Diploma-oetreiking basiscursus leze en sjrieve.

Voorpagina » Nieuws » Regio's » Broekhem » Diploma-oetreiking basiscursus leze en sjrieve.

Gesjlaagde cursus van Veldeke Valkeberg.Goonsdig 24 november 2010 krege alle 14 cursiste die de Basiscursus leze en sjrieve, georganiseerd door de Veldeke-krink-Valkeberg, ’t officieel diploma oetgereik. Dat gebeurde in café Michiel de Ruyter.
In de cursus kaome neve de grammatica en ’t eige idioom (de typische Valkebergse oetdrökkinge en gezèkdes) ouch de dialeksjpelling en de dialekliteratuur aan de orde.
D’n hièr Pieter Ebus van ’t hoofbesjtuur van Veldeke-Limburg reikde de getuugsjriefte oet en feliciteerde de cursiste mèt hun good resultaat. Es cadeau deeg hae ‘ne symbolische bón debie, dae good ies veur ein exemplaar van Platbook 5 ‘Moder Maas’, wat 28 november gepresenteerd zal were.

Verhäölkes en gediechte van dees cursiste zin te leze op de website van Veldeke-Valkeberg. De docent van de cursus waor Els Lahey-Diederen.

Miè euver ’t dialek vink g’r hie: www.veldeke-valkeberg.nl

Foto Mathieu Lahey

← Vorig bericht

Halt toeroepen aan kansspelautomaten.

Basisschool Vilt naar finale K.V.L.

Volgend bericht →