Gediechtebundel van Els Diederen oet Valkeberg weurt gepresenteerd op 1e PinksterdaagOp 1e Pinksterdaag zal ’t ièrsjte exemplaar van de poëziebundel, gesjreve door Els Diederen oet Valkeberg, euverhandigd weure aan euro-parlementariër Camiel Eurlings. Hae ies ‘ne oud-lièrling van Els, die wèrkzaam ies in ’t basisónderwies.
’t Book mèt de titel “Sjakelt de zinne”, ies nummer 52 van de LiLiLi (Limburgse Literair Lies). ‘t Bevat 89 Valkebergse (en ’n paar Houthemse en Sjinse) gediechte oet de aafgeloupe 25 jaor.
De illustraties zint van de diechteres. De presentatie vingk plaats in ’t Valkebergs sjtreekmuseum. Broor Jan Diederen zörg veur de muzikaal umliesting mèt Valkebergse leedsjes van eige hand. ’t Book zal nao de presentatie verkriegbaar zin in de bookhandel.