Prins Dani, Prinses Lena en Minister Zepp regeren Foekpötjes

Voorpagina » Toerisme » Prins Dani, Prinses Lena en Minister Zepp regeren Foekpötjes

Zoondig 25 november is in ‘nne bomvolle zaal in ’t Vöske in Berg & Terbliet ’t nuuje Prinsetrio van JCV De Foekepot bekint gemaak! Veurop in de Bergse carnaval geit vanaaf noe Prins Dani I same mit zien Prinses Lena en Minister Zepp. Mit dit trio kin de Bergse carnaval neet mièh kepot, 3×111% carnavalsblood in de aojersj en bevange van ’t polonaisevirus kinne dit allein mèr de biste ingrediënte zeen veur ‘nne fantastische Vastelaovend 2019. De Foekepot is trots op dit trio.
Prins Dani I, 10 jaor, zoon van Ralf en Maartje Overmans. Woont in de Groattesjtraot en zit in groep 7 van OBS Berg. Voetbalt bie jo 11-1 van VV Berg’28. Is al 4 jaor lid van de raod van 11 en is tevens lid van de carnavalsgroep de Bergse Boonte Bende. Podiumvrees kint hele neet, aangezeen hae altied mit deit aan de Bergse Superstar. Ziene hónd Rinsie is zien trouwe knuffelvriendin. Hae hilt van game, carnavalle, muziek loestere en aafsjpele, mèr ouch van boete ravotte mit zien vrung Jarno en Lars. Ziene carnaval kin neet miè kepot. Zeker noe neet, mit zien klasgenootje Lena es Prinses en vreund Zepp es Minister aan zien zie.
Prinses Lena, 10 jaor, dochter van Stan en Kim Derkx. Woont in de Past. Halmansjtraot en zit ouch in groep 7 van OBS Berg. Kleine zus van groate broor Ticho en al jaore actief dansmarieke bie de Foekepot. Daoneave is ze nog ’n getalenteerde handbalster bie E1 van Vilt/BeQuick. Boete ut oneindig bekieke van YouTube filmpkes, kin ze gein momint sjtil zitte, dus ‘nne actieve carnaval sjteit oes alle te wachte!! Ze is super blie dat ze same mit Prins Dani I en Minister Zepp veurop maog gaon dizze carnaval.
Minister Zepp, 11 jaor, zoon van Harrie en Marina Derkx. Woont in de Vallekebergersjtraot en ziet in groep 8 van OBS Berg. Heat reigelmaotig sjtried mit zien groatte zus Dewi, mèr kin toch neet zoonder häör. Hae ies lid van de raod van 11 en ziet ouch bie de carnavalsgroep de Bergse Boonte Bende. Voetbalt bie Jo 13-1 en ies al jaore actief es danser bie de garde van de Foekepot. Fortnite is zien favoriete game, hae kiek geare tv, mèh ies ouch väöl boete te vinge mit zien vrung Jort en Dominique. Hae ies super blij dat hae dit jaor es Minister gekoze is en geit same mit Prins Dani I en Prinses Lena d’r un Mega Knalfjès van make.
Foto’s Nancy Hardy-Janssen, TV Valkenburg

← Vorig bericht

Vanavond uitreiking van de sportprijzen

Uitslagen amateurvoetbal van zondag 25 november

Volgend bericht →