Dees week ies ‘ne Valkebergse sjäörkalender oetgekómme, woa-in 366 Valkebergse sjpreekweurd of oetdrökkinge sjtoon. Daoneve sjtoon bie ederen daag twiè typisch Valkebergse weurd besjreve.

De sjäörkalender ies ‘n coproductie van Veldeke Krink Valkeberg en Ambaum BrandMakers. Aanleiding ies ’t feit dat 2016 ies oetgerope tot Jaor van de Limburgse Dialekte in ‘t kader van ‘t 90-jaorig besjtoon van de provinciale dialekvereiniging Veldeke. Ouch in Venraoj, Venlo, Tegele en Mestreech kump ‘ne eige kalender oet.

Veur-inteikene veur de Valkebergse sjäörkalender kènt tot en mèt zondeg 29 november via de website www.ambaum.nl. Ederein dae veur-inteikent kènt in Valkeberg de besjtèlling aafhole op St. Gerlach 76, 6301 JD.

De kalender kos bie veur-inteikening € 10,95 en ies vanaaf dinsdeg 1 december ouch te kriege in de bookhandel veur de pries van € 13,95.